Santiago DC - 16:30 h.

Co xantar ainda na gorxa e despois de despedidas italianas interminables (Como te envexo), póñome as alas de Hermes para achegarme á nova biblioteca compostelana “Ánxel Casal” na que vou visitar a  BDteca que esta chamada a ser o referente comiquil a nivel galego e nacional. A excusa de ir a Santiago é dobre, posto que ademáis de ver a Bdteca, dende hai uns meses as Bibliotecas Municipais estamos a participar na  “Mesa pola Banda Deseñada” convocada pola Xunta. Nela pretendemos sentar as bases da importancia dos cómics no noso sector. Pero aínda estou aquí, corre corre que non chegas.

Biblioteca Pública Santiago Ánxel Casal – 17:00

Co xantar aínda na gorxa, a lingua de fora e o corazón saíndome do peito chego a enorme biblioteca sitúada no principio da rúa Xoan XIII. De repente alzanse ante min tres prantas que farían (de feito o fixeron) as delicias de calquer afeccioado á lectura. A miña paixón, e parte do meu traballo, me leva ao apartado de cómics que tanto a nivel de volumes (uns 3000) como de espacio, é todo privilexiado dentro da biblioteca. Notase que o director desta, Daniel Buján, é un gran amante e coleccionista de cómis (moitas das cousas que alí atopas son imposible de conseguir). A biblioteca conta tamén con varios expositores e asentos nos que sentarte aconsultar calquer obra, ou facer os teus pinitos no mundo da historieta. Todo isto cunha exposición sobre a Banda Deseñada (feita pola xente de culturagalega.org) cun apartado especial sobre á BD galega, como telón de fondo. Visitada a biblioteca quedanos a reunión, temos que tratar varios temas de interese para levar ao Saló de Cómics de Barcelona

Biblioteca Pública de Santiago Ánxel Casal – 19:00

Co xantar ben asentado, descansado (só fisicamente) e despedíndome dos meus compañeiros, algo chama a miña atención na sala de exposicións. Trátase de “O álbum galego: 25 miradas para unha década (1997-2007)” unha exposición que podedes visitar ata o día 11 de Maio, que consta de 25 ilustracións orixinais enmarcadas en paneis independentes acompañadas por un exemplar de cada libro para o que foron creadas. "Puag, que noxo", de Fina Casalderrey e Xan López; "O coelliño branco", de Xosé Ballesteros e Óscar Villán; "A memoria das árbores", de Xosé A. Neira Cruz e Kiko Dasilva; "Paxaros de papel", de Marilar Aleixandre e Lázaro Enríquez; "Bolboretas", de Xabier P. Docampo e Xosé Cobas; "Chocolata", de Marisa Núñez e Helga Bansch, e "Tres desexos", de Eva Mejuto e Gabriel Pacheco… son só algúns dos títulos que te podes encontrar nesta mostra, coordinada por Helena Torres, que chegou a Santiago logo de exhibirse en Pontevedra na última edición do Salón do Libro Infantil e Xuvenil. A partires do día 11 de Maio partirá para Lisboa, para o Congreso do IBBY, en Copenhague, e, xa para o 2009, para Múnic e maila Feira Internacional do Libro Infantil e Xuvenil de Boloña.

 

Imos tentar sacar a vosa alma de nenos propoñendovos un xogo. Trátase dun “meme”, eu tampouco sabía o que era, pero parece ser que son moi recurrentes na rede, sobre todo nos blogs.

Os memes son unha especie de conversacións entre usuarios (a maioria a través de xogos) que se van contaxiando duns blogs a outros (como é neste caso). Eu descubrín este, lendo o blog da miña amiga Sonia, e a verdade é que me pareceu moi interesante para tódolos que ledes e participades nos blogs dos clubes de lectura das Bibliotecas Municipais de A Coruña.

O xogo orixinal plantexa unha serie de preguntas persoais que teñen que ser contestadas con películas, pero centrándonos no tema que nos ocupa faremos un cambio. Para rizar o rizo temos que contestar a estas preguntas cos títulos das obras literarias que mellor nos definan. Sería interesante que contestarades a todas e tede en conta que no só teñen que ser libros, poden ser relatos, poesías, contos…

Ademáis podedes utilizar este xogo, para reler ou ler por primeira vez esas obras que deixachedes afastadas durante todo este tempo. Aproveitade o noso catálogo para facer realidade este novo propósito para o 2008 e descubride novas lecturas para este ano.

Aquí van as preguntas, e as miñas respostas:

1. ¿Eres hombre o mujer?: “Drácula”
2. Descríbete: “Dr. Jeckyl y Mr. Hyde”, “El lobo estepario”, “Mujeres”, “El Quijote”, “Rebeldes”
3. ¿Qué sienten las personas acerca de ti?: “El curioso incidente del perro a medianoche”, “Seis cordas e un corazón”, “Venres ou a vida salvaxe”, “El paciente inglés”
4. ¿Cómo describirías tu anterior relación sentimental?: “Cumbres borrascosas”, “Crimen y castigo”, “El médico”, “Amor dos quince anos Marilyn”, “La voz a ti debida”
5. Describe tu actual relación con tu novio o “pretendiente”: “Cien años de soledad”, “La invención de Morel”, 
6. ¿Dónde quisieras estar ahora?: “El tercer ojo”, “Siete años en el Tibet”, “Neverwhere”, “El faro del fin del mundo”
7. ¿Cómo eres respecto al amor?: “La guerra de los mundos”, “El gigante egoista”, “Kamasutra”, “Memorias de un amante sarnoso”, “Sexus”
8. ¿Cómo es tu vida?: “Patas arriba: La escuela del mundo al revés”, “1984”, “La melancólica muerte de chico Ostra”
9. ¿Qué pedirías si tuvieras un sólo deseo?: “Y decirte alguna estupidez, por ejemplo, te quiero”
10. Escribe una cita o frase sabia: “La rebelión de las masas”, “Más allá del bien y del mal”.
11. Ahora despídete: “De la tierra a la Luna”

A pensar!!!!!!!!!!!!!!!!!!!!!!!!!!!