O escritor mexicano José Emilio Pacheco foi galardoado co Premio Cervantes, o máximo galardón das letras hispanas. En opinión do xurado, "un poeta excepcional da vida cotiá", pola súa "capacidade de crear un mundo propio" e polo "distanciamento irónico da realidade" que hai na súa obra.

José Emilio Pacheco naceu en Cidade de México en xuño de 1939. Ademais de poeta e prosista consagrouse tamén como tradutor, traballando como director e editor de coleccións bibliográficas e diversas publicacións e suplementos culturais. É tamén docente universitario e investigdor.

Da súa obra poética destácanse: Los elementos de la noche no 1963, El reposo del fuego no 1966, No me preguntes cómo pasa el tiempo no 1969, Irás y no volverás no 1973, Islas a la deriva no 1976, Desde entonces no 1980, Trabajos en el mar no 1983 y El silencio de la luna.

Entre os seus galardóns cabe citar o Premio Nacional de Poesía, Premio Nacional de Periodismo Literario, Premio Xavier Villaurrutia, Premio Magda Donato, Premio José Asunción Silva en 1996, Premio Octavio Paz no ano 2003, Premio Federico García Lorca 2005, Premio Iberoamericano de Poesía Pablo Neruda no 2004 e a XVIII edición do Premio Reina Sofía de Poesía Iberoamericana no 2009.

Pacheco sucede no premio ao novelista catalán Juan Marsé.

Na Biblioteca do Forum Metropolitano podedes desfrutar da obra de poesía El silencio de la luna e tamén dunha escolma de obras dos últimos gañadores do Premio Cervantes.

 

• El peso de las sombras
• Elisabeth de Austria-Hungría : álbum privado
• El verano de Lucky 
• Un largo silencio
• El mundo visto desde el cielo
• Elisabeth, emperatriz de Austria-Hungría o el hada maldita 
• El resto de la vida 
• Las olvidadas : una historia de mujeres creadoras 
• 5 x 2 = 9 : diez miradas contra la violencia de género / VVAA

Cúmprense 25 anos da morte de Truman Capote, denominado pai do "novo xornalismo" en EEUU.

Emocionalmente inestable dende a súa infancia, o prestixioso escritor rematou por ser vítima da súa propia afección por novelar feitos e personaxes reais, un estilo que o levou ao éxito profesional pero o afundiu personalmente.

Capote morreu aos 59 anos en Los Ángeles o 25 de agosto de 1984 logo de longos episodios de abusos de drogas e depresión, un estado no que se sumiu logo de tocar o teito da súa carreira e ser repudiado pola alta sociedade neoyorquina á que tanto desexou pertencer.

Na Biblioteca do Forum facémoslle unha pequena homenaxe recopilando algunhas das súas mellores obras.

• A sangre fría.
• Los perros ladran : personajes públicos y lugares privados
• Música para camaleones
• Desayuno en Tiffany’s
• Cuentos completos
• Cruceiro de verán 

Onte presentouse diante dos medios de comunicación, a versión galega da nova e esperadísima novela do turco Orhan Pamuk, O museo da inocencia.

Como xa ven sendo habitual na política editorial de Galaxia, conseguiuse que a novela este a disposición dos nosos lectores e lectoras galegos moito antes que noutras linguas do mundo. De feito, a día de hoxe só pode lerse, ademais de no orixinal turco, en alemán.

Durante a presentación, Carlos Lema, director literario de Galaxia, suliñou a calidade indiscutible deste traballo literario e declarou que está chamada a ser “a novela do ano”.

Fonte: Editorial Galaxia

É un acto que combina literatura, música e memoria da man de Manuel Rivas (narrador), Marcos Meléndrez (cantante de tangos), Gastón Rodríguez (guitarra) e Pulpiño Viascón (voz, gaita e serrucho). Está prevista a participación doutros músicos convidados.

Asociación de Escritores en Lingua Galega entregou os premios á mellor obra publicada no 2008 nas modalidades de ensaio, literatura infantil e xuvenil, poesía, narrativa, tradución, teatro, traxectoria xornalística e blog literario, así como á institución que salientou na defensa e difusión da nosa cultura. Os premios foron entregados na celebración da Cea das Letras, un dos actos máis importantes na vida da ELG.

Os gañadores do Premio AELG ás mellores obras publicadas no 2008 son:

Ensaio: Miguel Anxo Murado, pola súa obra Fin de século en Palestina (Galaxia)

Literatura Infantil e Xuvenil: Xabier P. DoCampo, pola súa obra O libro das viaxes imaxinarias (Edicións Xerais de Galicia)

Poesía: Xulio L. Valcárcel, pola súa obra A melancolía dos corpos (Ediciones de la Sociedad de Cultura Valle-Inclán)

Narrativa: Inma López Silva, pola súa obra Memoria de cidades sen luz (Galaxia)

Tradución: Gonzalo Navaza, pola tradución da obra As flores do mal, de Charles Baudelaire(Galaxia)

Teatro: Teresa Moure, pola súa obra Unha primavera para Aldara (Deputación Provincial de A Coruña)

Mellor traxectoria xornalística: Ana Romaní

Blog Literario: Marcos Valcárcel, polo seu blog As uvas na solaina

Institucións: Sección de Literatura do Liceo de Ourense

Escritora Galega Universal: Elena Poniatowska

O próximo venres 8 de maio ás 20:00 h. a escritora mexicana Elena Poniatowska visitará a sede da Real Academia Galega (rúa Tabernas 11) para impartir unha conferencia, A literatura que vén da rúa.

Este acto encádrase dentro do II Encontro literario Cidade da Coruña: Mulleres na literatura, organizado conxuntamente pola Asociación de Escritores en Lingua Galega y la Concellaría de Cultura, na sede de la RAG.

A entrada é de balde e libre até completar a capacidade do recinto.

Comezamos esta nova etapa do club lendo "La catedral" de Vicente Blasco Ibáñez (1867-1928). O libro escribiuse no 1903 e ten coma protagonista a Gabriel Luna: una anarquista enfermo e canso que decide voltar á súa terra, Toledo, e refuxiarse na catedral co seu irmán Estebán. Así desfilaran ante nos personaxes e situacións que reflexan o poder eclesiástico en contraposición cun pobo que sufre. A partir de agora queda que os membros do club (e quen queira ler o libro) nos aporten as súas visións de personaxes e situacións.